أحوال شخصية
النفقة: بتتحسب إزاي، وليه القضية بتاخد وقت؟
مفيش رقم ثابت. القاضي بيحسب النفقة على أساس دخل الأب وحال الأولاد — وده اللي لازم تثبته بالورق.
الأساس اللي القاضي بيحسب عليه
النفقة بتتقدّر بقدر يسار الملزم بها وحاجة المستحق ليها. يعني دخل الأب من ناحية، ومصاريف الأولاد الحقيقية من الناحية التانية — مدارس، علاج، سكن.
الورق اللي بيفرق
- مفردات مرتب أو إقرار ضريبي لو صاحب نشاط.
- إيصالات المدارس والدروس والعلاج بأسماء الأولاد.
- عقد إيجار السكن أو ما يثبت قيمة السكن.
- كشف حساب بنكي لو فيه تحويلات منتظمة.
ليه بتاخد وقت؟
أغلب التأجيل بيجي من إعلان الخصم. عنوان غير دقيق معناه إعلان باطل وجلسة ضايعة. بنبدأ دايماً بالتأكد من العنوان الرسمي قبل رفع الدعوى، وده بيوفر شهرين في المتوسط.
المقال اللي بعده: شيك بدون رصيد: المسار الجنائي والمدني، وأيهما أسرع لفلوسك؟ ←